Төрийн байгууллагын ажилтнуудад нөлөөлөх

Төрийн байгууллагын ажилтан албан хаагч нарт хөгжлийн бэрхшээлтэй хүний  асуудалд хүний эрхийн байр суурьнаас хандах  мэдлэг ойлголтыг  бий болгох,  улмаар  эрүүл мэнд болон төрийн үйлчилгээг хүртээмжтэй хүргэх боломжыг нэмэгдүүлэх зорилгоор төрийн албан хаагч болон эмч, эмнэлгийн мэргэжилтнүүдэд 4 удаагийн томоохон сургалтыг зохион байгуулсан байна. 

• “Хөгжлийн бэрхшээлтэй иргэдэд бэлгийн цогц боловсрол олгох нь” чадавх бэхжүүлэх сургалтыг 21 аймаг 9 дүүргийн  29 эмч мэргэжилтнүүдэд хүргэсэн.
• Мөн Орхон аймгийн ЗДТГ, ЭМГ-тай хамтран аймаг, сумдын төрийн албан хаагч эмч эмнэлгийн ажилтнуудад дээрх сургалтыг хүргэсэн бөгөөд 40 төрийн албан хаагч оролцсон.  
• Хан-Уул дүүргийн хүсэлтээр тус дүүргийн эмч эмнэлгийн мэргэжилтнүүдэд “Хүртээмжтэй эрүүл мэндийн үйлчилгээ” сургалтыг 32 хүний дунд зохион байгуулсан.
• ХБХХЕГ болон Жендэрийн үндэсний хороотой хамтран улаанбаатар хотын төвийн 6 дүүргийн халамж, хөдөлмөр эрхлэлт хариуцсан мэргэжилтнүүдийг  хамруулан “Хүртээмжтэй төрийн үйлчилгээ” сургалтыг зохион байгуулж 15 хүн оролцсон байна.  

2023 оны байдлаар нийт 116 төрийн албан хаагчдын мэдлэг хандлагат нөлөөлөх сургалтыг хийсэн байна.

Олон нийтэд хөгжлийн бэрхшээлийн талаарх мэдлэг ойлголтыг түгээх, холбооны үйл ажиллагааг сурталчлан таниулах, гишүүдийн зөрчигдсөн эрх, тулгамдаж буй асуудлыг сайжруулах чиглэлээр төрийн, хувийн хэвшил олон улсын байгууллагуудад нийт 20 удаагийн уулзалт, ярилцлага, хэлэлцүүлгийг хийж,  хэвлэл  мэдээллийн хэрэгслээр 5 удаагийн мэдээлэл ярилцлагуудыг  олон нийтэд түгээсэн байна.

Мөн Хошимний нэрэмжит 14-р сургуулийн 84 сурагч, АШУҮИС-ын 50 оюутан залууст хөгжлийн бэрхшээлтэй хүний эрх, нийгмийн  загварыг таниулах  сургалтыг хүргэж, хүний эрхийг мэдлэг ойлголтыг залууст төлөвшүүлэхэд хувь нэмрээ оруулан ажиллаж байна.